حَيّ الكتاب وْحَيّ ما قال منشيها
يَا اهلا وسَهْلا عَدّ ما مشي ساريها
حَيّ النديب وْحَيّ بالطارش الذي
دِهَشْني عَلَى غفله ولا ادري بقاصيها
تقدّم بكتوبٍ بالاشيا صحيحه
فِيْ ليلةٍ ظَلْما سنا نور جاليها
قريته وقَبَّلْته ثمانين مره
وعشرين مِنْ بَعد الصلاوات بادّيها
مِنْ حيث لَنّي مخلص الود ناصح
ما هوب مِنْ رَبْعٍ سِعَوا فِيْ مراديها
أداري عَلى الخل الحشيم مِنْ الخطا
واراعي فضلكم لي ولا هوب ناسيها
غلاكُم بوسط القلب لِهْ نصخ واحد
ما يختلف لولا تخَلَّف إساميها
لكنْ هذا القول لابد مِنْ سبب
يشْغِلْك عَنْ رَبْع الصداقه واهاليها
بتَدْبير حَذْراته وِلَيّام تِنْقِضي
هذي سنينٍ ما تخلّص مساعيها
فارجو السموحه منّك في العهد مختلف
ما دامت الدنيا حقوقه أراعيها