قصة حبك قصة جميلة
ميت فيها وفيها بعيش
كل كلمه ليها حكاية
قلبك قالها وما بحتيش
كنت بجيلك وادخل ميلك
وكنت أبعتلك ما ترديش
كنت بقرب يمكن تنسى
بس لقيتك ما بتنسيش
كنت بقولك افتحي قلبك
احكى حبيبتى وما تخبيش
كنت بحاول اخفف عنك
علشان ترضى وما بترضيش
فاكر كلمه جرحت قلبك
طلعت منى ف لحظة طيش
عارف إني جرحتك لكن
كنت أتمنى ف حضنك أعيش
كنتى النور لعنيا وقلبى
وكنتى الفرحة اللى ما بتجيش
كلمة غالى لو تقوليها
تسعد قلبى وبيها يعيش
ليه القسوة حبيبتى عليا
كأنك لحظه ماحبيتينيش
راضيه حبيبتى بظلمك ليا
معقوله لسه ما شبعتيش
بقيتى انتى والدنيا عليا
من غيرك مش قادر أعيش