سألت ربي لي يعيني
في بدع منشودي والكتاب
في وصف لي شفته بعيني
من سبق هين عرب وانجاب
للشيخ لي طلق اليميني
سمح المحيا اعني ذياب
شيخن حوا طيب وديني
كلن شهدله بعيد واقراب
شعار له دايم يبيني
وسط المعارك مول ما غاب
هجنه من النقو الثميني
لي تبهر الخاطر والالباب
في كل سن وكل حيني
شعار هجنه يلفت اعجاب
ما خذهم بروف وليني
افرح محبينه والأصحاب
لمحه لها شكل حسيني
فدبي فتحت للسبق باب
ومشوش بقوه ويقيني
الفوز ناله بعزم وثاب
ومضمره شهم وفطيني
يسعى بجد ويبذل اسباب
صادق وفاضل مع أميني
وله فالملاقى مخلب وناب
مثل الأسد وسط العريني
حامي حماه وعند الاجناب
عساه فالدنيا سنيني
ما يشتكي من هم وانشاب
فرحان وضاح الجبيني
ندعي كريم ورب وهاب