غردي عن فخرنا وافرحي وش عليك؟
آمنة مطمئنة، نحمد الله عليك
وش علينا من اللي يحسدونا عليك!
حنا شعبٍ عظيم ومملكتنا عظيمة
أنتِ (عشق السعودي) ما في مثلك وطن
تزرعين الأمل مهما يكون الثمن
لك نخيل وسنابل ما تعرف المحن
والزمن خير شاهد، لك يدينٍ كريمة
غردي عن طموحك، والهمي كلّ شاب
فيك نحلم ويتحقق ونهوى الصعاب
لك وصلنا الفضاء، وْ شفناك أطهر تراب
هذا تمكين شعبك، من قيادة حكيمة
أنتِ (عشق السعودي) دمتِ أغلى بلد
وأنتِ عينك على باكر لولد الولد
كلّ الأجيال في ظلك بخير وسعد
رايتك دوم خضراء، عزّك الله يديمه