افرض ضرايبك يا ولد
علي اللي مات واللي أتولد
افرض ضريبه ع العيال
عند الصباح عند الزوال
افرض ضرايبك يا شبح
ع اللي سقط واللي نجح
افرض ضريبة بالمقاس
علي الفانلة وع اللباس
افرض ضريبة ع السعيد
علي الدماء جوا الوريد
افرض ضريبه ع الحياه
علي الصبي ملعون صباه
افرض ضريبه ع الهوا
وأي اتنين ماشيين سوا
افرض ضريبه ع الكلام
علي البكا والابتسام
افرض ضريبه ع النعاس
ع اللي حضن وع اللي باس
افرض ضريبه ع القبور
ع اللي دفن أو جاي يزور
افرض ضريبه ع المطر
وع القعاد وع السفر
افرض ضريبه في الدروب
علي النزول وع الركوب
افرض ضريبه ع الجاتوه
واللي ياكله ف يوم هاتوه
افرض ضرايبك يا أسد
يا كلب وناهش ف البلد