وحشتك

وحشتك؟

زى أنتِ كمان ما وحشتينى؟

ضمينى

دفينى كتير

خبينى ف حضنك

أرويني من نبع حنان الكون جواكِ

بهواكِ،،،

وعارفة أن هوايا بيسكن قلبك

وبيجرى ف دمك

جوه الشريان الواصل بينى وبينك

وبينى وبينك...

مش ممكن أنساكِ

رغم المسافات اللى ما بينا

والبعد اللى أكيد هيطوّل

مش ممكن يتحول قلبى ويمحى غرامك

ده أنتِ النبض اللى بيحيينى

ومخلينى أعيش من بعدك..

الحب اللى زرعتيه جوايا

من يومها بيكبر ويزيد

وإن جربت أوزّع طرحه

هيكفى كل الكون ويفيض

عارفة إنى فى يوم هرجعلك

نتقابل من تانى

وأحس بفرحة عينك وخدانى

مش بس ف أحلامى هشوفك

واللهفة اللى ف قلبك

والحنية الممدودة ويّا كفوفك

هتكسّر بنيان الخوف من بكرة

وعلى فكرة...

عمر ما كان بينى وبينك أى بعاد

ولا فيه مسافات.