الخطيه الحمرا الملفوفه
بشهوات عيون الشيطان
يا ما لعبتلي بظروفي
وعرفتنى إني إنسان
مش قادر حارب شهواتي
ومش قادر رد المكتوب
طرقاتي بعيده، وحياتي
ذنوب وعم بتجر ذنوب
بركع صلي.. بينشف ريقي
وبقتل بعد الركعه عيال
بعبى دماتا ببريقي
تا يسكر ع كفوفي.. المال
إنسان.. وعم شوه عمري
يا علي.. وإتعذب فيه
خلصني، محيلي قهري
مين غيرك قادر يمحيه؟
صيرني: الكامل بعلومو
بإيمانو.. سمني حسين
ونورلي عقلي بنجومو
تا إستشهد.. مدري وين؟؟
كربلاء، انرجعت فيي
بكتب فيها إستشهادي
بلم تراباتا بعينيي
بخور، بيحميلي ولادي
كربلاء، الأرض الجنه،
ال قدسها حسين بدماتو
مشتقلا.. طلعها مني
ووحد فيي كل ال ماتوا
ما بدي إخطى وإتعذب
بدي إتطهر بكلامك
إتقدس فيك، وإتهذب
وإيامي تصفي إيامك