مش بفرض نفسي.. أنا بس بسأل عليك،
مش عشان ناقصني حُب..
ده انا قلبى بيناديك ما انا روحى فيك
كل همّي أطمن إنك بخير وسعيد،
حتى لو مش ليا.. يكفينى اشوفك سعيد.
مش بدوّر على لحظة حنين،
ولا على ذكرى تردني سنين.
ده أنا بس قلبي طيب قوي،
بيخاف عليك.. حتى فى البعد
حتى وانت ناسيه.
مش بفرض نفسي.. لا والله ما أقدر،
ده الحنين غصب عنّي بيتصدر.
يمكن سؤال بسيط مني يطمنك،
ويمكن سكوتي بعديه يوجعك.
مش عايزة أرجع.. ولا أعيش في ماضي،
بس فيك حتة مني لسه بتنادي.
لو يوم تسأل عنى.. قولها كانت هنا،
كانت بتحبك بصدق.. ورضيت بنصيبها.
مش بفرض نفسي.. أنا بس بسأل عليك،
ومن قلبي بقولها.. السعادة لقلبك وربنا يحميك.