ما تتبدل عمرك ولا تتغير
خليك هكذا ديما كيف ما كنتصور
احساسي بيك ماشي صورة
احساسي باحساسك وكيف تتفكر
جميلة وسيدي ربي عطاك
والزين من حقو وشرعو يتيه ويعفر
خليك صورة فعيني جميلة
نشوفها ونقول ساكتة وقتاش تهدر
وايلا هدرتك ولقيت لك حيلة
محال نندم اكيد نغمات ميات وتر
وعلاش تتبدل اوتتغير
هلال بدوك وكمال بهاك بدر
شكون يقلب صفحة هواه
ويقول هكدا كان مكتاب وتقدر
او يقول ورا قلبو للي بغاه
خليني نوزن هواك ونفكر
ساعة من الغاني تتغني
وفجميع الاحوال قدر مسطر
وقداش ما قلبك يبغيني
انا قلبي الحبيب يبغيك اكثر
ونقولو قلبك كاع كان حديد
ايلا عطف وليان يصير حجر