قَالُوا الْقَلْبْ ايْلاَ كْبَرْ مَا يَعْشَقْ
وَاخْرِينْ قَالُوا يَبْقَى بَالْحُبّْ شْبَابْ
يَبْقَى يَعْشَقْ حَتَّى مَا يَبْقَى يَخْفَقْ
وَيْصِيبُوا مَا يْصِيبْ الشّْبَابْ مَنْ عَذَابْ
قُلْتْ مْعَ رَاسِي نْجَرَّبْ
وَايْلاَ مْشِيتْ حْصَلْتْ نَهْرَبْ
لَكِنْ الْقَلْبْ ايْلاَ عَشَقْ مَا يَكْذَبْ
وْيَبْقَى بِينْ ضْلُوعُو وَثَّابْ
لْقِيتْ النَّظْرَة تَسْحَرْ
وَالْكَلْمَة تْذَوَّبْ وَتْسَكَّرْ
وَالَغْرَامْ غِيرْ مَا يْزِيدْ وْيَكْثَرْ
يَكْوِي وَيْسَهَّرْ وْمَا يَضْرَبْ حْسَابْ
هَادُوكْ لِّي قَالُوا فَالْغَالِبْ مَا عَشْقُوا
لَوْكَانُوا جَرّْبُوا تَحْقِيقْ دَكَّاتْ رَشْقُو
كَانُوا سَكْتُوا مَا دْوَاوْ وَلاَ نَطْقُوا
لاَ يَكْتَابْ عَلِيهُومْ لِّي كَانْ عَلِيَّ مُكْتَابّ