تنسين..
معقولة بعد كل شيء تنسين!
تنسين كل ذاك اللي مضى
وبلا وداع محزمة وترحين
تنسين …
الليالي وألوان الضحك
تعوفين دمعي ع المحك
گليلي جايه أمازحك
وعوفي تهديم السنين
تنسين المن يا وجع تنسين
يا مراية شچم ألم
ع وجهي تبينين
يا عطر بلهّات روحي
فوگ روحي شكو تسحگين
زحمه من الليل زحمه
بلايه كلشي تعوفيلي السهر
وهيج مغربة وترحين
زحمه والشمات اجوني
وبكل عين وكحة
يسألوني انتِ وين
شبسرعة وهيجي تنسين
ويلا شگول اكثر هيَّ دنيا
نتعلم منها وتتعلمين
نحب وتصاحبين
نبچي وتضحكين
وشما كبر فيّ الوفة
ليلج يموته من تجين
وشما صرت لوجهج ورد
بالحواجب ينرسم منجل
وبيّه تگطعين
لا يدير بالج..
بالي لوحدة خلي يدير
لا ترجعين غصة
روحي وخل اليصير يصير
انه اعترف انه السبب
اجيت بوجه واحد
مثل وجه اللهب
اجيت نار ونسيت
للماي وجهين
مره ماي ومره ثلج
وانتِ اثنينهن تملكين
طفت ناري وطفيت
وورثت من نار هجرج جكارة
وهلمنتظر الرحيل
روحي وين ما ترحين..
وداعتج وداعت كبرنا
حل موت الحنين