گلي شتنتظر وشناوي شتريد
اظن كلشي انتهى البينك وبيني
سد باب العتب وياك ميفيد
لا ارضى احاجيك ولا تحاجيني
انه بگلبي وجع خلصها تنهيد
شلي شلون والمن من تجيني
سيفك بالنحر يذبح باليجيد
وبخذلانك گبل جنت سابيني
انه زرعة وفة وبتراب اجاويد
اخضر بس وفة لو جنت ساگيني
احذرك لا تجي لا راوح ابعيد
مني لا بعد ترجى حنيني
ترباتي غصن جلماتي تغريد
موضوعك انتهى ماعاد يسليني
لا تجمع ابد عاشور وي العيد
صفگاتك شجاها يم ونيني
اعثر بالحجر لن مرتين ماعيد
ليش اشيلن ذنبك كل سنيني
شلك بالاسف شجايب اجديد
اذا تعصيني عمرك بيش ترضيني
انه گلت انتهى عن هذا ماحيد
لا ارجى اشوفك ولا عاد ترجيني
مو من حضك خايب كلشي بالايد
بايعني شكثر لا ترد تشريني
من عيني الدمع يومية تعويد
وانت وي الدمع طحت من عيني
تتعب لا ترجع وتگول توحيد
وتنصب بالصنم وتكفر بديني