أوقدي لليل شمعة لا انطفى عندي سراجه
خايف من الليل مدري كيف للمسرى تجسّر
كيف من يشرب قراح الماي يهديني هماجه
كيف مدري ياحمام السلم للوافي تنسّر
شوفني قدام عينك في بحر كله لجاجه
كل مالديت طرفي فيك يالغالي تحسّر
كثر خوفي ماترك لي من فرح دنياي حاجه
كل ما رمت ارتياحي مطلبي فيك يتعسّر
كيف ابشكي ضيق بالي لو لقى منك انزعاجه
وانت شرهاتك كبيره ما رضيت اللي تيسّر
لا يغرك طول صبري إنما قلبي زجاجه
لو تهزه في عيونك يا نظر عيني تكسّر
أيه احبك مير مالي حظ يطلق لي حجاجه
كيف ابوصف لك صوابي دام حلمي ماتفسّر