ما كانت الليلة براد
كانت مشاعرنا حطب
كان الشتاء فارد يديه
يحضن لهيبٍ من عتب
كان الدفى حضنه
وكان الشتاء حضنه
كانت ملامحنا تقول
من يحضن الثاني بعد؟
كان السهر عنوان ثاني
اسمه: حبيبي والمساء
ما احس بيوم جاني
أحلى من هذي السماء
وأمسك أصابعها ونعد
وكفوفنا ترجف تعب
النجمة هذي لي أنا
والنجمة هذي لي أنا
والقمرا انتي لي أنا
يا وجهك الأبيض سنا
ومن سنة
وأنا احضن نجومي في يداي
ما كانت نجومي بسماء
كانت نجومي في سنا
والسنا بوجهك حبيبي
يا قمر ارضي وسماي
وان طاحت النجمة هنا
ما طاحت إلا في قمر
وكانت الشامة نجم
فازت بوجهك حبيبي
وإن سألتيني أنا:
محظوظ حظة في يديه
مغرور... طيب وش عليه
من يقدر يطول القمر
شف القمر غافي هنا
بحضني الدافي أنا
هذا القمر حقي أنا
شوفوا لكم واحد جديد!