يمه

يمه...

شوفي ظلي...

ما عدت أنا... ذاك الصغير...

اللي كانت أمنياته...

حلوى مع كاسه عصير...

كانت الدنيا صغيرة...

وأحلامنا جدا كبيرة...

كان حلمي... بس لعبه

وسؤالك... اللي كنت احبه

لا كبرت وش تصير...

وارفع بصدري للسماء...

واعقد حجاجي وأنا...

فيني شموخ وكبرياء...

بصير مثل بابا... أمير

كنت احسب الدنيا سهلة...

ما دريت أنها عظيمة...

وأحلامنا... ياهي صعبه

ليه قلتي لي... يا محمد

ودي أشوفك... كبير؟

إن كان قصدك... بالعمر

هالشيب... يعني لي طهر

وان كان قصدك شي ثاني

مستحيل...

ما أبيهم...

يكفي ما شفته بيديهم...

طاهر وجدا نظيف...

بس يكبر...

طاغي وجدا مخيف

ما بي اكبر...

وما بي حلمي... مثلي يكبر

يمه...

قربي جنبي... أبيك...

تذكرين... وش هو سؤالك؟

يا وليدي... وش هو حلمك؟

حلمي أنا... ارجع صغير