منت قادر

منت قادر

مهما كان عذرك الواهي

والله عاذر...

لا تحاول تخفي حبك...

منت قادر... والله ربك

في عيونك...

شي فاضح...

تظهره... كل الملامح...

منت قادر...

في زمن ماضي... وغابر

كان فيني... شخص عابر

حطم قيود الأماني

وأحرق أوراق الدفاتر

والله إني... كنت أعاني

يا أناني...

وش شعورك...

لا ذبل مره حضورك...

وانهدم فيني قصورك...

وضاقت الدنيا عليك...

وجيتني... بيدك كسورك

أجبرك أو أكسرك...

أو المح دموعك... وابتسم!

لا وربي... ما يهم...

وكل شي... وانتهى

ربي يجبر لك مصابك...

ذوق... وش اضعف عذابك

ألف بسم الله عليك

والله اكذب... قلبي عليك

بس عفتك... وقلتها لك

ياخي مثلي... والله نادر!