لا تلومين المرايا

لا تلومين المرايا...

لومي نفسك!

والا أحسن...

كسري كل المرايا...

لعنبو حظٍ خذلني... وابتسم للمراية

من حلاها...

بلل نداها وجنتين المنظره

من حلاها...

استحت هالمنظره... ورفضت تعكس حلاها

استحت؟

لا ما استحت...

غارت... وترفض لقاها

ما زعلت...

بس كذا ليا غارت تغيب...

وتنطفي...

لا تلومين المراية... ولا نداها

لومي نفسك...

والا احسن!

كسري كل المرايا

من بقى ما قال اسمك...

وانذكر ربك عليك

من بقى ما شاف حسنك

وقالها: الله عليك...

حتى بحلمي اذكرك...

وابتسم قلبي يبيك...

ومن جمال الحلم... خايف

لا يجي صبحي عليك!

لا تلومين المرايا...

ولا تلومين الصباح

لومي نفسك!

والا احسن...

كسري كل المرايا...

شفتك بفستان ابيض

كنك الفل وشذاه

وما حسدت الا عيوني

شافت اللي مبتغاه

ألف من ذكره عليك

وألف من الله عليك

وألف احبك وألف أبيك

وابتسم قلبي يبيك...

ولا تلومين المرايا...

ولا تلومي حتى نفسك!

لومي حظي

اللي من عرفتك

عيت ظروفه تجيبك...

أما أنا...

بضحك بوجه المنظرة

علّ اللي يقولونه صحيح

من عاب شيٍ ابتلي

ضحكت بوجه المنظرة!