بحبك انت
يا سمرا
وكل الكون ف حبك نيل
انت للبلاد ضيّه
وأولادك كما القناديل
أحب غنايا ف غيطانك
وامول لك أنا المواويل
أغيب على طول فى أحضانك
منا أصلى ف هواكِ عليل
ومهما ابعد لا يوم أنسى
انك انت غنواتى
وانت القمره ف ليلاتى
وانت الشوق ف رحلاتى
وانت الحب والأحباب
وانت الماض والآتى
فى يوم عرسك أضحى لك
يكون مهرك يسيل دمّى
واضحِّى لجل ما تهمّى
واموت لك لجل ميت عُوده
تزفِّينى بزغروده
ولجل اسمك ما يمْلَى الكون
اضحى لك بميت مليون
كراتى البيضا والحمرا
فى وش الشر كالجمره
واموت حبيبتى فداكى انت
لجل تعيشى يا سمرا