عطشان ويامن تبلّ الروح بعيونك
اسكب لي من كاسة النظرات حنيّه
باشربك لين افقد الافكار في كونك
وتصيري امي وابوي وكل من ليّه
من بعد مجنون ليلى جيت مجنونك
ولو خانك البال ألعن لك ابو حيّه
كل البشر لو يعرفونك يصونونك
ماكن ربي خلق إلا انتي بْنيّه
يامطيّح الحُر يوم ارمشت بجفونك
ادخل على الله.. قلوب الناس قمريّه
وآنا احبك واحب اللي يحبونك
وازرع على شوفتك احلام ورديّه
ودآم المشاعر اذا شفتك يحيونك
وشلون لو تلتقي يديك بيديّه