مداهيل صدري موطنك يا رقيق العود
لو انك تروح بعيد مرجعك للديره
احنك من الشرهه واحنك من المنقود
وانا في حرى جيت وصالك وتقديره
دخيل القلوب البيض والا العيون السود
ترفق على قلبٍ تخونه تعابيره
عسى وجهك الي في غطاه الرضا معقود
يبشر بصبحٍ ينتشي مع تباشيره
يشوف السعاده في حظوري وانا موجود
واذا غبت شاف الوجد والشوق والغيره
حبيبي وانا قلبي صغيّر وراسي عود
خليط المشاعر بين الاحساس والحيره
غرام العذارى سهمة الطيب المقرود
يخض العدود ويجذب الدلو ل بعيره