لبيه يا صوتٍ لجرح المولع ضماد
تزهر عليه الصدور الي طواها الوجل
غنيت للقارعه عن سالفة شهرزاد
والحب مالي مفرٍ منه مثل الاجل
اقلط محلي محلك يا غريب البلاد
وشلون احس بمجيك وانت دايم عجل
يرخي عليك السحاب الغيث والامتداد
حتى حروف القصايد تنحني لك خجل
في عينك من الوله ريحٍ تشب الرماد
كيف اسرق الليل من سود العيون النجل
عزاه يا حالي الي مقتفيه الهجاد
عن صهوة الشوق قلبي ما نوى يرتجل
انا اتخيلك واشوفك سنام الشداد
وانتي مثل عطفة الهجيا تثير الرجل