والله يا لولا نقرة السلف للهاف
لا قام صوته يشتعل بالشنابر
في صحصح ما تشتغل فيه الالياف
ما فيه غير الضو والنجم سابر
اسج عن جو المباني والارياف
سور المدينه مثل سور المقابر
لا اطق طقة من فقد كل الاصناف
عيوا عليه مشددين العنابر
على سمي النور معدوم الاوصاف
خلٍ وداده ما يجاريه عابر
من كثر ما يشتاق ويحن ويخاف
لو امنعه قامت دموعه تزابر
وانا ما غير اسايره بالتلطاف
ما ودي اجرح خاطره بالمكابر
اسرفت في حبه وانا ضد الاسراف
وش حيلتي لا صرت اشوفه وصابر
عليه قلبي يشعفه كل ميلاف
شيب الهوى ماهوب شيب الصوابر