ما قلت لك من مدة إني أحبك؟
ما قلت لك ما لي وطن غير قلبك؟
يملا سنين العمر فرحة
والقلب يسأل وين جرحه!
يقفي مع النسيان لا صرت قربك
يا شمس روحي يا صباحه
دفاك يكسي البال راحة
يا كبر حظي يوم صادفت دربك
ما قلت لك من مدة إني أشوفك..
طفلة من اللي فاض طيبة بجوفك؟
حبك ورب البيت نعمة
ما يوفي قدرك أيّ كلمة
ولا يجيب الشعر حالي حروفك
تستقبليني بابتسامة
وما تنطق شفاهك ملامة
يبقى شموخك مهما كانت ظروفك!
الله لا يحرمني لمسة كفوفك
ما قلت لك من مدة إني أحبك؟