الضيقه يا ربي وصلت للحناجر
والوضع سيء والخلق ضايقوني
وسبحانك ادرا من متى وقلبي صابر
يا خوفي إني انفجر من عيوني
فيني تعب ماهو تعب وانت خابر
إن السبب أحبابي اللي صدموني
خلوني في كل المواضيع خاسر
خسران خلقه وهم بعد خسروني
كنت أتوقعهم عن الهم ساتر
وكنت اتحد انهم يتركوني
وكنت أتوقع اني إنسان شاطر
بس للأسف هم خيبوا كل ضنوني
اللي أقوله ماهو قصة مشاعر
لا والله اني شفتهم في عيوني
من قبل أنا ماصير بيد الخناجر
هم أول العالم يا ربي طعنوني
يا ربي يارحمن لو لي خاطر
ما بي أوطي لغيرك انتا متوني
خلني على عز ومعزه مكابر
وإذا انكسرت وطحت لا يلمحوني
خلني اروح بعزتي للمقابر
ولاصرت ميت؟ خلهم يدفنوني