قلت للعشرة حق وللمراجل انتحار
واللي قدامك تشوفه شايف الدنيا اظلمّه
ان حفر يحفر يدينه وان دفن يدفن غبار
وان سكت جته السوالف جاهزه ومحزمه
وين ماودك حسبها ووين ماودا اقصار
جاك يركض بالأكيدة وده انك تلزمه
جاك رجلي ما يفرق بين نكسه وانتصار
لاحشا ما عاد يفرق سوده والا مغلمه
ما يشوف الا الهقاوي من يمين ومن يسار
بعضهن قالن.. فعلها.. وبعضهن لا تظلمه
وبعضهن قالن تصّبر حتى يلفييك النهار
وبعظهن قالن كلام اللي سمعته اردمه
وانتفض كل عررق فيني يرفض أوضاع الحصار
والشموخ اللي براسي.. ما تعودت ادقمه
وصحت: يا نفسي مشيناا ماتطفي الناار نااار
والرجل وشلون يهناا والمسائل مبهمه
لا تقول اصبر تهدا ماهو بيدي الاختيار
والغضب هاللي تشوفه اغسل ايدك تلجمه
اللي مثلك برتياحه يصدر ويحذف قرار
واللي مثلي لا تلوومه شاف نفسه مدممه
والجريح اللي يكابر تذبحه بالانتظار
وانت تطلبه الثبوت وحجتك تب ترسمه
ما يبي منك الطويلة يرحم امك باختصار
اما ريّحتّا وتعافا والا طالبك اعدمه
لا تطالعني وتضحك!! تب تركبني القطار؟
وبالكلام اللي احبه قلبي ودك تحكمه؟
توني ما قلت حاجه ليه قدمت اعتذار
أنت وشدراك باللي في خفوقي ململمه؟
صرت مثل اللص الأهبل! أول البوقات جار
ويوم شاف الجار مقبل اعتذر له واعزمه!!
لا تقول إحساس عندي.. يالغشيم الطير طاار
والغشيم اليا تشطر تلقى جلاسه اغشمه
كان عندي شك انك من جماعة ((شي صار))
واعتذرت وصار شكي انتصار الملحمة
واللي عني كان غايب انجلا عنه الستار
واللي حيرني بطريقي.. توني بس افهمه
أنت حلمك يوم تسمع اني عشت الانكسار
واني عقب (الصوت الأوضح) قمت احب التمتمة
وانحني لك وانتخي بك دلني وين المسار؟؟
وارفعك مرفاع رحمي.. بالدروب المعتمة
يا مضيع هالسوالف ضيعت ناسن كثار
طعت كفار النوايا.. بالنوايا مسلمه
كنك اللي ما عرفني.. وكني محتاج اختبار
وكني اللي ما رفعتك عن أمور الشمشمة
ما دريت إن اللي مثلك.. عايشن للانحدار
واللي مثلي غلطه انه يلتفت للمغزمه
والرجل يرضى بموته.. ولا يصنف كالصغار
والصبي يرهن حياته.. كي يعيش المعلمة
يا صغيّر لا اتغربش متعبن لعب الكبار
لا تطيح وماتهيا حتى كلمة ارحمه
اسمع اللي لك بقوله لا تلفت للمنار
واغنم الحكمة بكلامي قبل مامشي واختمه
هذي المره رحمتك.!.! جبت لك بعض الدمار
وان وصلني علم ثاني!! مابقالك.. اهدمه!