ماعاد باقي شي كثر الذي راح
ان كان ودك تقتلين اقتليني
عذبت لعيونك من الحب الأرواح
وخليتهم لجلك كذا تتركيني
وش حاجتي من عقب ما حظنا طاح
في ناس تكرهني وناسٍ تبيني
ما غابت الشمس الفتية ولا انزاح
ضوء الشفق الا ويصحى حنيني
ارسمك في ليلي على صدر الالواح
وتموت دمعه ساخنه وسط عيني
يا ليتني لمن بكت عيني ارتاح
واخيط من سلك الرضى في سنيني
ان كان قلبي ما شكى همه وفاح
ينبوع جرحي واضمدنه يديني
محتاج لك ما نيب محتاج لإصلاح
ارجوك من فائض وصالك عطيني
عينت عقبك كيف غابن الافراح
حتى رفض طيفك بنومي يجيني
الموت تشكيله تباريح واجراح
شوفيه واقف بين وصلك وبيني