راع الكرم يدفن بقبره وهو حيّ
من طيب فعله والبشر يذكرونه
وكم حيّ لكن ما يساوي ولا شيّ
بيته جميع الناس ما يعرفونه
اسمه مثل فعله عن الناس مخفيّ
أعوام تمضي ما يغسّل صحونه
ماهو من اللى في ضيوفه يهليّ
ولا حدٍ من طعامه يخلل سنونه
وفعل الكرم ينسب لحاتم ولد طيّ
جوده بتاريخ العرب يكتبونه
ناره طوال الليل ممنوع تطفيّ
لجل أن مدورة العشاء ياصلونه
كم له بقبره والتواريخ تحكيّ
عن طيب ذكره والبشر يمدحونه