من يزرع المعروف بكره يلاقيه
في ماقفٍ كلٍ يراقب حصيله
لو يجحدوه الناس ربّه يجازيه
ما ضاع عند الله قدر الفتيلة
ويا حظ من بالخير تمتدّ أياديه
يسعى على درب النقا والفضيلة
ما يفتخر في كل طيبٍ يسويه
فعل التباهي للنفوس العليلة
من نيته للخير تحمد مساعيه
وخاب وخسر من نيته للرذيله
أحدٍ لفعل الطيب يرفع مباديه
وراع الردى ما يكسب إلا الفشيلة
ولا يدوّر لاكتساب المشاريه
من تنوجد فيه العروق الأصيلة