عن إب عبر هاجسي بالقوافي
واصدر بياناته ووثق حروفه
إب الهواء الطلق والجو صافي
والغيم متزاحم بكثرة صفوفه
والمزن يتدافق بغيث العوافي
والطيف بالوانه والاجواء تطوفه
يلقى عليل الجسم فيها المشافي
ساعة جمال الارض عينه تشوفه
منظر يزيل الهم والغم طافي
والقلب يستأنس ويرتاح جوفه
ما اجمل الأيام والسعد وافي
والبال متريض ولا شي يزوفه
والورد يتمايل بدون اختلافي
والطير يتغني وتسرب رفوفه
وديانها كالبحر فيه المرافي
تستوقف الزائر وتذهل وقوفه
ربي حبا ها بالجمال الاضافي
واهل القوافي يعجزوا في وصوفه
من حولها كل الحيود النيافي
تتنفس الريحان لحظة قطوفه
والشمس ان فذت ترى كل خافي
كالزين يتباهى بنقشة كفوفه
إب الملاذ اللي يحد التفافي
على بديع الحسن باعلى سقوفه
ما دونها اتمنيت بعد اكتشافي
روعة مفاتن حسنها في صنوفه
يحق لي إن صغت فيها اعترافي
لن الجوارح في هواها شغوفه
اعلنت من قلبي عليها اعتكافي
على مدار العمر حتى كسوفه