ياللي على باب المشارية حطوك
لا تحسب المنصب ظهور وزعامة
لا والله إلا خططوا لك وغرّوك
من شأن ما يلحق عليهم ملامة
وعلى مكانٍ عافه الكل دفوك
قالوا خبير الشغل يفرض نظامه
من قل عقلك لمّعوا لك وجابوك
وبعض المناصب ما وراها كرامة
ليمن بغوا يقضون لازم تعدوك
مدفون راسك مثل راس النعامة
دايم نظامك يوطي القاع لاجوك
وتفترّ من قلّ الثقة والرخامة
تشبه لساهر والمخاليق يشنوك
مكسبك مثله من رسوم الغرامة