بشت الوفا خلّه على المتن يزهاك
لا تزعجك ناسٍ تَهَامَس خططها
يا بندر الدرعان مبطي عرفناك
ضيم العباد اللي تمارس عَبَطها
الوضع ما ضَنّي وأنا اخوك يخفاك
دنيا تساوى سبعها مع قططها
وبعض الوجيه اللي غثاها توطّاك
لا قيل عطها يابن الأجواد عطها
كيّة سطَر منها تنحّى وتجفاك
ويعقل سفيهٍ قام يتبع نمَطها
أدّب شياطينٍ تحدّك على أقصاك
حتى رمضان المنصرم ما ربطها
الواضح اللي تشبهه شمس الأفلاك
فيه الملا وشلون يكثر لغَطها
والمرجله بيْد المناعير شرواك
ما قيل للرديان ربّي بسَطها
لكن تحدّك نوب منّا ومنّاك
ناسٍ تخفّي بالمظاهر غلطها
الناس يارع التفكر والإدراك
مثل الحروف اللي توَارَت نقطها