كلّن له حساب.. وآنا لي حساب
وحْساب ربي فوق هامة عباده
يللي رميتوني على متن الأسباب
خافوا عليما عند قول الشهاده..
الحق نيشانٍ على صدر الألباب
وأشوف حقي ضايعٍ فاجتهاده
إما تصونوا الود وتفدون الأحباب..
ولاّ نموت فحق ضايع سداده..
ما يستوي فالحب غالب وغلاب
ولاّ خليل يحب خله زياده
سطر التساوي عادل أحباب وأحباب
في نشوة إحساس الموّلع عماده
وإن كان لي حظٍ فهالكون ما غاب
بآخذ من أوفاقه وألبّي مراده
لكّن حبك يالغضي تلع لرقاب
وافي على جيشه ويزهى بعتاده
كنّي أنا المخطي فدستور لْعتاب
ولازم علَّي آتوب وأرضي جهاده..
الخطا وارد.. والتقادير أسباب
وما احيدني دست الخطأ بالعماده!!
راجع حسابات الغلى وأخلف كْتاب
يمكن تلاقي فحبنا ذوق وسعاده..