آه
يا عمرى
اللى شاب منه
لو
ترجع ..يخيب ظنه
وما يعاود..يعايرنى
بشيب شعرى
اللى زاينى
شاف نفسه صِغير
وإنه!!
حيعاود شباب
سِنُه!!!
وكأن الصِبا بيدوم
والدنيا
هنا... بيسود
لو
شتا يقابل صيف
وربيعنا
يصادفه خريف
ما كان
للحياة فىِ
حدود
ولا
تخلق حياة
مولود
لو قدر
حيفهم إنى
فى العِشرة فنيت سنى
وصبرت عليه
إكمنى
راسمالى الوفا
والجود!
آه
يا عمرى اللى
لايمنىِ
فوق حملك رضيت منىِ
ورويته
صِبايا وسِنىِ
والصبر اللى كان
موجود