ما ضمني كل الحزن واركى على حدب الضلوع
الا بعد ماجيت ادور عن عناويني معك
ضاعت معالم خطوتي يوم انطفت فيك الشموع
ليت الغرام اللي شبكني في ظلامك ولعك
قبل انتهي بك وانسحب ماكنت افكر بالرجوع
رغم الشتات اللي يبعثر من خفوقه يجمعك
مديت لك كف العطا ثم جيت لك كلي بطوع
قبضتني في راحتك مابين كفك واصبعك
جتك المشاعر ثايره وارغمت شوقي للخضوع
حتى الضياع اللي تركته خلف غيرك يتبعك
صبيت لي كاس الشقا واسقيتني من كل نوع
ليت العظيم اللي نهاني عن عذابك يمنعك
ابسئلك..في ذمتك ليه المشاعر لك تجوع؟
مادام كلك لو خذا كلي قسم مايقنعك
قد قلت لك مليون مره طاري الفرقا يلوع
وشلون الومك وانت ماعندك ضميرٍ يردعك
واليوم ابا انهي رحلتي مادامني فيك امخدوع
وانحت لك احزاني على صم الصخر واودعك
ماعاد فيني للشقا ولاعاد فيني للدموع
نفس الفؤاد اللي خذاك بطيب خاطر رجعك