ايه جيتك بين ضيق وبين ونه
أستفز الصمت من عذر الكلام
بين نفسي والجحيم الفين جنه
من بداية نظرتي حتي الغرام
معرفة غيب المنايا والأجنه
شيٍ أخفى من دهاليز الظلام
مايئست من العذاب اللي أكنه
لا وعزمي ماطواه الإنهزام
شاعرك سود الليالي جرحنه
مابقاله من لحم فوق العظام
شاعرك جفت عروقه وايبسنه
ماارتوى ميبوس عرقه من غمام
لاحياةٍ بالسعاده مستكنه
لاطعام ولاشراب ولامنام
وإن سئلتي عن عذابه ذا لأنه
اصدق امن الدمع في وقت السلام
لك عطايا خافقٍ ماخاب ضنه
مانقص فيه الوفاء عند الكرام
مالحق كف العطا مليون منه
بس يكفي لو خذلت الإنعدام