بين الهموم وعتمة الليل ميعاد
اسهر واعاني والليالي عنيده
العمر ينقص والعنا فيه يزداد
والياس خيّم والأماني شهيده
فيض المدامع شح من كثر ماجاد
والقلب نبضه مايغذي وريده
ارجي كثير الصبر لو كان مافاد
والجرح ينزف من طعونٍ جديده
للهم والاحزان فالقلب ميلاد
..يعني..توفت كل لحظه سعيده
واون واصرخ من قسى الهم لاعاد
واسمع صدى التنهيد وارجع واعيده
فيني جموع الآآآآآه تسري وتنقاد
..تقسى.. واردد يالحياة النكيده
ياوين ابا القا لدامي الجرح ضمّاد
خوفي من يدين البشر لاتزيده