النور شعشع والسهر مهتويني
والجرح ينزف والمشاعر يتيمه
والليل ردد يابقايا أنيني
في طلتك ماعاد للصبح قيمه
حدد مساحة صمت... بينك وبيني
وإنزع من اقصى الروح ذكرى قديمه
دامك جرحت القلب لاتحتريني
ارحل.. مادام أوجاع قلبي عظيمه
كنت احسب إنك لاقسى الوقت فيني
تبقى معي بإصرار نفس وعزيمه
مير الضما من سبّتك مرتويني
واستنزفك نبض الجروح الأليمه
تكفى طلبتك لاتبيّح كنيني
استر صويب القلب يكفيه ضيمه
أكتب مع الايام واقرا سنيني
وأستنتج إن الحب مسرح جريمه
مافات ذكرى والألم محتويتي
والصبر نعمه والسلامه غنيمه
والله لو إن الموت من راحتيني
مامدها والسيل يقفاه ديمه
حتى لو انك طحت من نون عيني
ماارضى عليك البهذله والهزيمه