أضحك على نفسي وأناأقول..بعدين
مير الزمن.. عيّا.. يرد إعتباري
عن لوعتي يابنت لو كان تدرين
.. ما لاعني همك على غير طاري
تجرحني الدمعه على شان ترضين
وأحفظ شموخك من.. عظيم إنكساري
أمشي ولا أدري من عذابي.. على وين
يمكن ألاقي من رحيلي.. وقاري
لا تسئلين القلب عن دمعة العين
بعض المشاعر ماتجيه.. إختياري
حتى لو إنك مع قسى الوقت.. تقسين
ماجيت أقدم عن غلاك إعتذاري
واللي ملكني فيك من قبل شهرين
لملم شتاتي بعد طول..إنتظاري
شتت جموعي في زماني.. كثيرين
وأنتي جمعتي في مدارك.. مداري
ياصامته في صمتك اليوم.. حرفين
وأصعب شعور إني عن الصمت داري
يابنت لولا الآآآه ماقلت تكفين
ظهري تمزّق من طعون الشباري
ردي ملامح بسمتي كان تقوين
دام الزمن عيّا يرد إعتباري