الشعر حبك وسبك فن ورساله
نقل لنا تاريخ الأجيال ل لأجيال
الشعر واحد من فصول العدالة
وثّق حروب النصر بزنود الأبطال
الشعر نهر عذب واعذب زلاله
الليله الليله حضر طوع أرتال
لأجل الشهيد مودّع أغلى عياله
تحيةٍ مضمونها قدر وإجلال
للحق كلمه واعترض لي مجاله
للذايد اللي أرخص النفس والمال
بين الجبال الآنفة في تلاله
شيٍ يروع من ورا الجال للجال
يا الله يا اللي منفرد في كماله
تحفظ جنود باسله قول وأفعال
وتحفظ بلدنا من فساد وجهاله
روس الفتن من حولنا زمرة عيال
عاشوا هنا في موطني في دلاله
لكن خسارة ما نفع فيهم أنذال
قل للقزم مبعوث أهل الرزالة
دون الوطن والدين حصون ورجال
عدونا يبشر بلحظة زواله
فينا الطموح طموح وآمالنا آمال
المجتمع مركب شديدٍ حباله
ما يرتخي وعزومنا شمخ طوال
يسعد مساء الدار.. يسعد رجاله
يقولها شاعر محنك من شمال
يغلي قصيده لاحضر في دلاله
يسكب لكم من اشقر البن فنجال
يسعد هضاب الدار يسعد تلاله
لاذعذع الغربي ورا كل خيال
الشعر نهر عذب واعذب زلاله
الليلة الليلة حضر طوع أرتال