بالحظ بالمربوح بالروح

بالحظ بالمربوح بالروحْ

بالوَرْد بالريحان بالراحْ

بالغصن بالنسمات بالشوح

بالراعبي لَي غرد وناح

بال «فل» بال «كادي» بمربوح

ترحيب يخجل طيب لارياح

باللّي لِفى واطيابه تْفوح

سيّدي بشوفه قلبي ارتاح

نور العيون بنور منضوح

نور البدر مَعْ نور لاصباح

لِهْ في صميم القَلْب بحبوح

ولِهْ في حنايا الأطلع سْناح

ولِهْ فِيْ صِبتّي عيوني صروح

ثابت بِنا لْحِلو التِّمِيَّاح

عساه باب الوصل مفتوح

ما ينوصد لَوْ دونه سلاح

باللّي لفى واطيابه تْفوح

فوح الزهر يَوْم الندي طاح

واجب بطلعة مغرم ينوح

سِيّدي بشوفه قَلْبي ارتاح