العمر ذبْلت سنينه قضى عمر الزهور
والأماني ركبٍ اقفى عجزت استوقفه
كل ما لاحت بروق ولبس غيمي سرور
ريحٍ تسوقه عطيه.. وريحٍ تعصفه
قلت يا صبري سراجي أنا محتاج نور
ربما يشعل ظلامي.. وزيته يسعفه
بس حظي من رداته معي عزمه يخور
انطفى وهج الفتيلة بلحظه مؤسفه
يا خُطايه غير ها الدرب ممنوع العبور
كثر ما اتعبني.. هديته آهاتي أرصفه
وكثر ما حسيت غربة وأنا بين الحضور
صرت مدري مين أعاتب ومين استلطفه
كني اللي بحلقةٍ مفرغة.. تايه يدور
ضاق فكري كل فكرة غدت مستنزفه
أشعل طموحي عبث بالصبر دافع شعور
ارضخ لواقع مريرٍ.. تعبت استحلفه