يا طول ه الليلة اللي جوها بارد
بارد! وانا داخلي ما تطفي الجمرة!
يشعلني الشوق واحساس الغلا واجد
والمشكلة أقرب من الضمة الكسرة!!
حبيبتي صدقيني.. والسهر شاهد
أعدّ من واحد غيابك إلى العشرة!
واقول يمكن تجي في لهفة مواعد
تسبق خطاويه يم الموعد العبرة
أدري بشوقك.. ولكن! كل شي وارد
يجوز عني أخذك النوم إلى بكره!
يغريني النوم.. لكن قلبي معاند!
يقول نسهر.. واقول بخاطرٍ يشره
ما تقبل السهرة القسمة على واحد
إن ما سهرتي معي! وش هو له السهرة؟