صحيح إني أنسى الحوادث والملامح والأسامي
لما أكتب عن غرامي شعر أبعد ما يكون عن مجرد
جرح دامي
يمكن أقرب للجنون.
من تفاصيل الحكاية الأساور والمرآية
عندي هموم القصيدة غامضة صعبة عنيدة
وانت عاشق للوضوح
ودك بسري ابوحو أنا آخر همي بوحي
اعبر الشارع. في الرصيف الثاني قهوة
فيها اربع طاولات وحده اجلس فيها وحدي وحده للي بيجي بعدي وحده لأغلى حرف عندي أما آخر وحده دايم للي فات
من هموم وذكريات زحمة لكن كل من في القهوة ربعي
كلهم دمي ودمعي ليه ما تجلس مكاني
وهذا شوفي وهذا سمعي اطلب أقلام ودفاتر وحاول اكتب عن شعور لاهو ظلما ولا هو نور
قلب ما بين السطور وأنا أكتب أغنية مثل الرسايل كنت أكذب والخيال العذب كذب
كنت لازم اخفي سري وما أقول
إن هالمرة قصيدي هو خيالات الحقول تطرد أسراب الطيور عن حقيقه عن شعور
ما هو في ذهب السنابل إنما تحت الجذور
كسروا العشاق بابي.
قطعوا لحمي ثيابي وخلعوا الأدراج
طاحت مزهرياتي الجميلة شققوا جفني كتابي وسألوا
وين الجديلة
ودمعة العين الكحيلة مالقوا في بيتي إلا وما لقوا في صدري إلا وما لقوا في قلبي إلا
أمنياتي المستحيلة
واني أحلم بس أحلم