ياطروب اليوم منتي لي طروب
لو عزف زرياب .. ماعنّه مصد
في شعورآ شفت نسماته هبوب
ذعذعتها .. تجلي ..انواع .. النكد
ارهقتني من تغنجها .. عذوب
لين صار الحب ماهو لي جلد
كافر الاوهام مطني بي ذنوب
وسط .. فاهٍ .. من ورد به ما ورد
كنت ابيها حلم واللقيا دروب
في مسافات .. الاماني .. والوعد
كنت ابيها فاخره ماهي لعوب
م إتمايل ثم تضحك لأي احدْ
كنت ابيها ذنب ماعنّه اتوب
أقترف به .. زود .. ياتيني مدد
اسرفي بي بالقسا نار وحروب
بيّدي حيلي .. أنا مابي .. جهد
إللعني جد الشعور اللي يتوب
عن هواك اللي غدا لعيني وحد
شاعرك والله ماله ف القلوب
غير قلبك .. لو غدى قدمه عدد
صرت اعيش الفقد من حبك كروب
منطوي من دون شف ولا سعد
التعاسه من شمالي للجنوب
فرق .. شاسع .. ماتقول .. الا بعد
اعرف اللي صاغ بأوتاره طروب
يعزف جروحي .. وأتنهد .. سهد