لا تناقشني عن أسباب اغترابي
غربة التاريخ خلتني غريب
والوطن مرسوم في صفحة عذابي
لكن الدنيا تناقضها عجيب
العدل لو قال يثبت أنتسابي
من ظهر عودٍ مورثني طليب
آه يا ذيبٍ توازا وأنتخى بي
جاهل الماضي ولا اعرف الجليب
إن عويت الوقت قبل قد عوى بي
والتزمت الصمت والعالم خطيب
ابتسم والقلب ضايق ب انتحابي
وأمدح أيامي ولكن ما تطيب
إيه أجاهد بس ما أدري وش بقا بي
كل ظنٍ في وعد بكره يخيب
والتساؤل كل حزني واكتئابي
كيف أنا مجهول والمنسب عريب؟
من ولدت أصبحت رجلٍ في حسابي
وعشت طفلٍ بين خوف وبين عيب
وآه يا خوفي على زهرة شبابي
مثل سيبه نخلة أجدادي تسيب
لي عتب بس آه من يسمع عتابي؟
لا ولي أمرٍ ولا صدرٍ رحيب
لعنة الغربة نصيبٍ في كتابي
لا قريب ولا رفيق ولا حبيب