كان نفسي اكون فاهم غلط مع
ان دا أكبر غلط كذاب أكون...
وعلى المذاهب الاربعة اني
أشوفك في عيوني مدمعة..
واضحك واقول من فرحها.. سالت
عيونها خاشعة وان جيت اطبطب..
واللا امسح دمعتك ألقى عيونك
جمرتين والقلب ناره مولعة واغرق
ويملاني العبط وافضل جريح.. ميت..
وحي تاخدني ريح.. وتجبني ريح
ولكذبي ما القى جثتي يقبلها شط
كان نفسي اكون فاهم غلط
وعنيا غطاها العمى.. ناقصها ضي مع
اني شايفك يا حبيبتي مدمعة
والكذب في شرع الهوى
أكبر غلط
وعلى المذاهب الاربعة ..ثم تفاعل مع
التجربة الشاعر الطفرة حمدي موسى..
بهذا النص الرائع يارب اكون فاهم
غلط وانا نفسي اكون فاهم غلط
ويمين تلاتة هابقي فرحان ان انا راجل
حمار والله هابقي زي ناجح ف اختبار آخر السنة
ونقضي طول اليوم هزار انا نفسي اطلع مش
انا بس المهم حبيبتي تنجو م الغرق
وماهوش مهم الشعر يولع بالورق وحبيبتي تطلع بالسلامة
والأشعة تبين انه الدم رايق مش ملوث
وانحرق والهوى مش مختلط
يارب اكون فاهم غلط
وزبيدة تطلع بنت كلب
ومجرمة وبلدنا تطلع مسلمة...
لأ... مؤمنة... لأ...محسنة وتجيب لنا باقي الحواس اللي
اختفت ترجع لنا كل القلوب اللي اتنفت
وتكون خلاص الأرض شبعت م
الدما أو حتي زهقت واكتفت
ويارب تبدأ عندنا السبع السمان
عاوزين نورث للعيال من زرعنا
أيتها كان علشان كده في
ساعة رضا يحكوا لعيالهم عننا
فانعيش كمان ونسيب ريحتنا في الوطن
بعض الكرم والله مش لازم هرم
طب اقولك ابعد من كده والله ولاحتي
حرم افضل حضارة تبقي للي بعدنا ...
إنسان التاريخ عمره ماكان سيرة حجر ولاعمره كان
حبة حيطان معمولة من طين أو زلط
يارب اكون
فاهم غلط
وجنينة يطلع أرض بور واللي
بيقول احلبوه كان أصله تور
والله نفسي العدل لو بشهادة
زور والنيل يكون لساه دكر
والنور يكون ناسي العيون
لكنه جه لما افتكر
وياريت تكون الأرض عاملة بأصلها تلزم حدودها وتقفل
الباب ع الحيا تحفظ غيبتنا حتي نرجع حضنها
وتخللي بالها م الربيع تبعث جواب
لو كل عام علشان تجدد ووصلها
وتخللي بالها م النهار بالحلم تستر نفسها متبيعش
عفش البيت ماهو مش كل ما نخسر نبيع
وتخللي بالها م الصغار احسن تضيع
وتعيش تحاجي ع الحسين والسيدة
وتلم عبد المطلب من ع السكك
وتخلصه من أوردة الدم فيها مستعار
والله عار لما يكون التار لنا
من نفسنا ويكون عيار الروح فلت
يارب اكون
فاهم غلط
وحميدة عرفت نفسها لقت
اللي واقع منها
ونلاقي تحت القبة شيخ
ونشوف كرامة لخطوته
ويارب ع الطلق
الشديد تولد غلام
والله لارقص في البلد من غير
حزام الرقص يومها مش حرام
علشان حدوده تعطلت يارب
اكون فاهم غلط
ثم تجاوب مع الفكرة
الشاعر هاني عبد الوهاب
بنص بعنوان يا رب
اكون فاهم غلط
يا رب اكون
فاهم غلط
مندمش علي عمري اللي فات ايام ما كنت
باحدّف الميه بزلط والساقيه دايرة فوق حياتنا..
وذكريات تعصر ساعات العمر ينزل أزمنة فيها اللي
فاهم.. واللي حاسس واللي عنده ضمير غلط
مر الزمان.. والدنيا دارت من
جديد عدد الساعات بقوا أربعة
اوميجا.. ورولكس.. وساعة نحس
والرابعة فقر ومضيعة وخراب
منشف جتتي والسرقة عامة ومرتعة
ونفوس تموت من غير عدد
والحبس مفتوح المدد ونهار منيل
مش باين له هييجي غد
وزبيدة بدموع الفرح وبوش خبى ضحكته قاعدة بترسم
عمرها بكرة الجميل علي قدها بيتها الكبير..
وجنينة خضرة.. وباب
دهب وسرير حرير.
مع نخلتين فيهم رطب
عصافير كناريا.. وزقزقة..
وشجرة عنب وكأنه
حلم وراح،
ذهب وصحينا منه كلنا علي
صوت زعيمنا أبو لهب
وعرفت اني حمار كبير..
واتمنى أكون فاهم غلط