كل سنه وانت طيب
ياللي كنت الكون بحاله
وكنت سندي وكنت طيب
كل سيره انت فيها
زي ماتكون قريب
كنت اصدق من ظنوني
ومن جنوني
اعتبرك كل حاجه
واني جنبك كنت حاجه
كنت الحنين والمطيب
ولما شمسي يوم تغيًييب
ولما اسوق انا ف العواجه
كنت تقرا اللي ف سري
وعمري ابدا مابحكي فيه
كنت صوتي وكنت صغري
شاب كلامي وضهر محني
وعمري ضاع ولا بحس بيه
بنفترق وارجع اضمك
واحلي حاجه سايبها ليا
صورتك..البرواز هياكل
حته م معني البراءه
اللي ف ايديا
العيد اللي فات كنت حالف
اجي بدري عن اللي قبله
انت ليه استعجلت.عارف؟
حبي مهما بعدت عنك
هو نفسه
غيرش بس انا طبعي
اجري
مره عندك مره عندي
مجاش ابدا ف تصوري
هيجري ايه
كنت حلمك اللي بداته
واستمر ف القصايد
كنت املك اللي لاخر عمري
احلف لسه قايد
كنت صوت امي
اسأل حيطان البيت
واسال البرواز
بالله عليك انفخ حبه حياه
بل عيون القزاز
اروي الصراحه النابته
بيني وبينك
احضن كفوف الحب
اللي بردت ايده
ساعه رحيلك
احلي حاجه اني حاسك
صح سايبلي كل حاجه
بس برضو لاقيني ناقصك
لما ببرد لما ببعد
بفكري حبه بتناقشني
بتحاسبني ع اللي
بطلته بعدك
مش لاقي نفس لاي حاجه
مانت كنت كل حاجه