شريت لك ساعه يعجبك منظرها
مطليه بالذهب طلي البعاريني
حتى الشواكيش ما تقدر تكسرها
سويسريه تعيش سنين وسنيني
يرخص لك الزين والدنيا نعبرها
يرخص لك الزين لو نشريه بالديني
لعل من له عجوز ما يقدرها
يموت ولا يعيش مع المجانيني
كم واحدن حرمته يمشي لخاطرها
ويقول يا نور عيني وش تريديني
ليا بغت شي كنه من بناجرها
على هواها يروح يسار ويميني
مثل السواره يدخلها ويظهرها
يتبع هوى حرمته بالزين والشيني
يتبع هواء حرمته وامه مدشرها
وليا بغت شي قال القل حاديني
لو يمشي الدود كله مع صوابرها
كنه من الهند وامه من فلسطيني