إلليا نصحت قليّل العرف وأزريت
قل الدروب وساااع .. ومع السلامه
صدك تقل ماأوحيت لو إنك أوحيت
عن الرديه .. طيب ماهو رخامه
والله ماتندم عليها ألليا أقفيت
قفاي ذيب ٍ عن وليشة هلامه
لو الخطا وارد وأنا تهت وأخطيت
وحمّلت نفسي كبر سلمى ملامه
نزلت نفسي للردية ورديت
لو إن ردي مايمس الكرامه
والثوب الأبيض تقشبه نقطة الزيت
لو هي صغيرة فيه تبقى علامه
ياليتني عنها بكمي تذريت
وإلا بشبر ً من جناااااح العمامه
وخليتها تبرى ركاب العفاريت
مع رقرق ٍ تذرى الهبايب رمامه
نطحتها شهب السهال السفاريت
وإن ماوسعتها نجد .. تضرب تهامه
تقدير للي ماتصاغوا مصانيت
للعالم اللي ينقلون النمامه
وإلا لو المقصد كلام الشماميت
قدمي رجال المعرفه والفهامه
زلوا وأنا من عرض من زل زليت
كم واحد ٍ عض الأصابع ندااااااامه
حتى الشراري قبلنا قال ياليت
رقبتي أطول من رقبة النعامه