صدق ماكذب من قال الازوال بس صور
الازوال مافيها مسره ولا ضره
لكن الصدور اللي عليها الجيوب تزر
بها مضغةً يجهل بها عالم الذره
بها يعلم اللي مايغره دبيب الذر
فهيمَ فطينَ كل الاحوال ماتغره
يجيك الرجل في طيب مظهر وغيبه شر
مثل ما يقولون العرب عاقل المره
عسى منكر الخوه عليه الجيوب تقر
عسى بنت عمه تسهر الليل من حره
ترى اللي اليا منه قنص ماقنص في حر
ترى التبع تبع ومن قنص فيه ماسره
يذوق الخساره والخساره طعمها مر
عن الكبد لو راحت تعقب لها جره
انا لي صحيب يوم بيّن لزومي فر
تركني عسى تال العهد به هاك المره
رميت الهدف من بندق رميها ماقر
تحرك هدفها والنياشين مفتره